ஞாயிற்றுத் தொகுதியின் 10வது கோள் கண்டு பிடிக்கப்பட்டுள்ளதாக அமெரிக்க வானியலாளர்கள் அறிவித்துள்ளனர். சுமார் 3 ஆயிரம் கிலோமீட்டர்கள் விட்டமுடைய இந்த கோள் சூரியனிலிருந்து 9 பில்லியன் மைல்களிற்கு அப்பால் இருப்பதாக வானியலாளர்கள் தெரிவிக்கின்றனர்.

2003ம் ஆண்டு இது கண்டு பிடிக்கப்பட்டாலும் தற்போதே இதனை ஒரு கோள் என வானியலாளர்கள் உறுதி செய்துள்ளனர்.

பாறைகளையும், பனியையும் கொண்டுள்ள இந்த கோள் ஞயிற்றுத் தொகுதியின் மிகச் சிறிய கோளான புளுட்டோவை விட இது ஒன்றரை மடங்கு பெரியதாகும் என வானியலாளர்கள் தெரிவிக்கின்றனர்.

2003 UB313 என்ற குறியீட்டுப் பெயருடன் தற்போது அழைக்கப்பட்டு வரும் இந்த கோள் பற்றிய தரவுகளும், கோளிற்குரிய பெயரும் இதனைக் கண்டு பிடித்த வானியலாளர்களால் அனைத்துலக வானியல் சங்கத்திடம் ஒப்படைக்கப்பட்டுள்ளது.

இவர்களின் தரவுகளை அனைத்துலக வானியல் சங்கம் உறுதிப்படுத்தினால் மாத்திரமே இது ஞாயிற்றுத் தொகுதியின் 10வது கோள் என ஏற்றுக் கொள்ளப்படும்.மேலதிக தகவல்

செவ்வாய் மீது விண்பொருள் ஒன்று மோதி அமைந்த குழியில் பனிக்கட்டிக் குளம்..!

ஐரோப்பிய விண்வெளி ஆராய்ச்சி நிலையத்துக்குச் சொந்தமானதும், செவ்வாய் கிரகத்தை அண்மித்து சுற்றி அதனை ஆய்வு செய்து வரும் விண்கலம் ஒன்று, செவ்வாயின் வட அரைக்கோளத்தில் வடமுனைவு நோக்கிய தூரப் பகுதி ஒன்றில் பனிக்கட்டிக் குளம் ஒன்றை படம் பிடித்துள்ளது...!

இந்தப் பனிக்கட்டிக்குளம் விண்பொருள் ஒன்று செவ்வாயின் வட அரைக்கோளத்தில் மோதிய இடத்தில் அமைந்திருப்பதாக செய்திகள் கூறுகின்றன..!

செவ்வாயில் பனிக்கட்டி நிலையில் நீர் அவதானிக்கப்பட்டிருப்பதானது அங்கு ஏதோ ஒரு வடிவத்தில் உயிரினங்கள் வாழ்ந்திருக்கலாம் அல்லது வாழலாம் என்ற சாத்தியக்கூற்றை மேலும் அதிகரிக்கச் செய்துள்ளது...!

அவதானிக்கப்பட்டது பனிக்கட்டி அல்லாத வேறுபடிவாக இருக்கலாம் என்ற சந்தேகத்தை விஞ்ஞானிகள் நிராகரித்துள்ளனர்..!மேலும் தகவல்கள்