வெப்ப வலயத்தைச் சேர்ந்த சிறிய இன வளர்ப்பு மீன் ஒன்றிற்கு கடல் வாழ் ஜெலி மீன்களில் இருந்து பெறப்பட்ட ஒளிவீசும் புரதங்களை உற்பத்தி செய்யக் கூடிய பரம்பரை அலகுகளை புகுத்தி அவற்றில் ஒளிவீசும் இயல்பை ஏற்படுத்தி உள்ளனர்...இப்போ அவை பிறப்புரிமையியல் ரீதியில் மீள வடிவமைக்கப்பட்ட உலகின் முதல் வளர்ப்புப் பிராணிகளாக விற்கப்படவுள்ளன....!
உண்மையில் இவை மாசுக்களை அடையாளம் காண உற்பத்தி செய்யப்பட்ட போதும் விற்பனை உரிமம் பெறப்பட்டு வளர்ப்பு மீன்களாகவும் விற்கப்படவுள்ளன...!

மேலதிக விபரங்களுக்கு இங்கு அழுத்தவும்..
---------------------------------------------------------------------
எமது பூமிக்கு வயது கிட்டத்தட்ட 4.5 பில்லியன் வருடங்கள்....பூமியில் உயிரினங்கள் தோன்றியது சுமார் 3.5 பில்லியன் வருடங்களுக்கு முன்னர்... யுராசிக் பாக் டைனோசோரர்கள் வாழ்ந்தது சுமார் 66 மில்லியன் வருடங்களுக்கு முன்னர்....எனி விடயத்துக்கு வருவோமா...சமீபத்தில் அன்டாட்டிக்கா பகுதியில் நடத்தப்பட்ட ஆய்வொன்றில் இருந்து சுமார் 251 மில்லியன் வருடங்களுக்கு முன்னர் எமது பூமியோடு சுமார் 4.6 பில்லியன் வயதுடைய மிகப்பெரிய விண்பாறை மோதி பூமியில் வாழ்ந்த உயிரினங்களில் கிட்டத்தட்ட 90சதவீதம் அழிந்திருக்கலாம் என்றும் அதன் பின் இன்னுமொரு விண் பாறை மோதலிலேயே டைனோசோரர்கள் அழிந்துள்ளன என்றும் தகவல் வெளியிட்டுள்ளனர்...இதற்கான ஆதாரங்கள் அன்டாட்டிக்காப் பகுதியில் கண்டுபிடிக்கப்பட்ட விண் பாறைத்துகளை இரசாயன பகுப்பாய்வுக்கு உட்படுத்திய போது அறியப்பட்டுள்ளது....!
இவ்வாய்வை the University of Rochester சேர்ந்த புவியியற்துறைப் பேராசிரியர் Asish R. Basu செய்துள்ளார்.....!

மேலதிக விபரங்களுக்கு இங்கு அழுத்தவும்..

சூரிய மின்காந்தப்புயல்...

மிகப் பெரிய மின்காந்தப் புயல் தாக்கிய போது பின்லாந்தில் அவதானிக்கப்பட்ட வானத்து அதிசயம்..

மீண்டும் நேற்றைய தினம் (21- 11- 2003) பூமியைத் தாக்கிய சூரிய மின்காந்தப் புயலின் தாக்கத்தின் பெளதீக வெளிப்பாடு...! (பார்க்க செய்திப்படங்கள்)
அதேவேளை இந்தப் புயலின் தாக்கத்தினால் செய்மதி அலைகளை சீராகப் பெறுவதில் குழப்பங்கள் நிலவியதாகவும் அத்துடன் கையடக்கத் தொலைபேசிகளின் இணைப்புக்கள் தெளிவின்மையைக் காண்பித்ததாகவும் அமெரிக்காவில் சில பகுதி மக்கள் தெரிவித்துள்ளனர்....!
சென்ற மாதமும் இப்படியான நிகழ்வுகள் ஏற்பட்டன என்பது இங்கு குறிப்பிடத்தக்கது...சூரியனில் நிலவும் வழமைக்கு மாறான தாக்க வேறுபாடுகளின் வாயிலாகவே அது மின் காந்த புயலை உருவாக்கி வருகிறது....!

Thursday, October 30, 2003
அலையலையாக சூரியனில் இருந்து எமது பூமியை நோக்கி வீசப்படும் மின் காந்தப் புயல் காரணமாக விஞ்ஞானிகளின் பார்வை அதன் மீது அதி தீவிரமாகத் திரும்பியுள்ளது...! இந்த மின் காந்தப் புயலினால் மனிதருக்கு நேரடி ஆபத்து இல்லையாயினும் மறைமுகப் பாதிப்புக்கள் உண்டு என்பதும் மறுக்கப்பட முடியாத உண்மை....!

மின் காந்தப்புயலின் பாதிப்புக்களை அறிய இங்கு அழுத்தி பார்க்கவும்...


Saturday, October 25, 2003
மனிதனின் செயற்பாடுகளினால் அதிகம் வெளிவிடப்படும் பச்சை வீட்டு வாயுக்களின் அளவு தொடர்ந்து வளி மண்டலத்தில் அதிகரிப்பதனால் ஆட்டிக் துருவப்பகுதியில் வெப்பநிலை அதிகரிப்பு மிக உயரிய அளவில் அவதானிக்கப்பட்டுள்ளது...இதனால் பனிப்படலம் உருகுவதும் கடல் உறிஞ்சும் சூரிய சக்தியின் அளவு அதிகரிப்பும் பூமியின் காலநிலையில் பாரிய மாற்றங்களுக்கு வழிகோலும் என்றும் அறியக்கிடைத்துள்ளது...!

இச்செய்தி தொடர்பான நாசாவின் விடியோ..இங்கு அழுத்திப் பார்வையிடலாம்...குறிப்பிட்ட மென்பொருள் அவசியம்..

சூரியனிலிருந்து மிதமான அளவில் பூமியை நோக்கிப் பிறந்த மின்காந்தப்புயலினால்(G-3 storm)... உயர்சக்தி காரணமாக... பூமியின் காந்த மண்டலத்தினுள் தள்ளப்பட்ட ஏற்றம் பெற்ற துணிக்கைகளினால் செய்மதி,விமான செய்திப்பரிமாற்றங்கள் மற்றும் தொலைத்தொடர்புகள் போன்றன பாதிப்புக்களைச் சந்தித்துள்ளன...இந்தப்புயலின் தாக்கம் உலகெங்கும் உணரப்பட்ட போதும் சூரியன் பிறப்பித்த உயர்சக்தியின் சேமிப்பிடமாக விளங்கிய பூமியின் இருண்டபகுதியே அதிகம் தாக்கத்தை உணர்ந்ததாக அறிவிக்கபப்ட்டுள்ளது...!

எமது உடலை ஆக்கும் தகவலை எமது அப்பா அம்மாவிடம் இருந்து கொண்டுவரும் நிறமூர்த்தங்கள்(Chromosomes) அடிப்படையில் DNA எனும் மாமூலக்கூற்றுக் கட்டமைப்பு மற்றும் புரதம் கொண்டு ஆனவை...இந்த DNA இல் தான் ஜீன்கள் இருக்கின்றன..அந்த ஜீன்களின் எண்ணிக்கை மனிதனில் 30,000 (30,ஆயிரம்) ஆகும்....!
சரி... DNA யில் உள்ள ஜீன்கள் எப்படித் தாம் கொண்டுள்ள தகவலைக் கொண்டு கலத்தை (உடலை ஆக்கும் அடிப்படை அலகு) ஆக்குகின்றன... இயக்குகின்றன...ஆம் அதற்குத்தேவை புரதங்கள் எனும் மற்றுமொரு மாமூலக்கூறு...அவைதான் எமது உடலை ஆக்கும் கலத்தை ஆக்குகின்றன இயக்குகின்றன...DNAயில் உள்ள தகவலை சரியாக பெற்று உடலை இயக்குகின்றன....மனிதனில் உள்ள 30,000 ஜீன்களினதும் தகவல்களைக் கொண்டு எமதுடலை ஆக்கி இயக்க 250,000 புரதங்கள் தேவை...அதுமட்டுமல்ல அவை தமக்கிடையே பல வழிகளில் தொடர்புகளை ஏற்படுத்தி பிரத்தியேகத் தகவல்களையும் பரிமாறிக்கொள்கின்றன....மனிதனில் எல்லா புரதங்களும் இன்னும் அடையாளம் காணப்படவில்லை ஆனால் பழ ஈ (Drosophila melanogaster ) என்று ஒரு பூச்சியில் அது கொண்டுள்ள கிட்டத்தட்ட அனைத்துப் புரதங்களையும் (7,000) விஞ்ஞானிகள் இனம் கண்டுள்ளனர்....இது எதிர்காலத்தில் உயிரியல் விஞ்ஞானம் அதிநவீன கணணிகளை ஆக்க வழி செய்யும் என்று நாம் கருதுகிறோம்...அது மட்டுமல்ல மருத்துவரீதியிலும் உயிரியல் விஞ்ஞான ரீதியிலும் பல நோய்களுக்கான மருந்துகளையும் கண்டுபிடிக்க இவை உதவும் என்பதும் திண்ணம்...! இன்னும் பல அதிசயங்கள் நிகழவும் இவை வழி செய்யும்....!

மனிதனை விண்ணுக்கனுப்பும் பட்டியலில் மூன்றாவதாக இணைந்ததன் பின்....கடந்த நான்கு வாரங்களில்.... நேற்றுடன் சீனா நான்கு செயற்கைக் கோள்களை அடுத்தடுத்து விண்ணுக்கனுப்பி வைத்துள்ளது...அதுமட்டுமன்றி 2004ம் ஆண்டின் இறுதிக்குள் மேலும் பத்துச் செயற்கைக் கோள்களை விண்ணுக்கனுப்ப உள்ள சீனா 2006லிருந்து 2010 வரை ஆண்டிற்கு 10 எனும் அளவில் செயற்கைக் கோள்களை விண்ணுக்கனுப்பவும் திட்டமிட்டுள்ளது...அதே வேளை நிலாவிற்கு 2008 வாக்கில் மனிதனை அல்லது செயற்கைக்கலம் ஒன்றை அனுப்பவும் சீனா திட்டமிட்டுள்ளது.....!


சில வாரங்களை மட்டுமே செலவு செய்து முற்றிலும் ஆய்வுசாலையில் பிறப்பிக்கபட்ட டி என் ஏ யைக் கொண்டு எளிமையான வைரஸ் ஒன்றை விஞ்ஞானிகள் உருவாக்கியுள்ளனர்.....ஆனால் உருவாக்கப்பட்ட வைரஸ் ஏற்கனவே உலகில் பக்றீரியாவில் தொற்றி வாழும் வைரசின் பிறப்புரிமைத் தகவல்களைக் கொண்டே உருவாக்கப்பட்டுள்ளது....!

Vanakkam